ദേശീയ സീനിയര്‍ വനിതാ ഹോക്കി ചാമ്പ്യന്‍ഷിപ്പ് : എസ് എസ് ബിക്കും സാഗിനും തകര്‍പ്പന്‍ വിജയം

- Advertisement -

കൊല്ലം : ദേശീയ സീനിയര്‍ ഹോക്കി ചാമ്പ്യന്‍ഷിപ്പിലെ എച്ച് ഗ്രൂപ്പ് മത്സരങ്ങളില്‍ സശസ്ത്ര സീമാബെല്ലിനും (എസ് എസ് ബി), സ്‌പോര്‍ട്‌സ് അതോറിറ്റി ഓഫ് ഗുജറാത്ത്- ഹോക്കി അക്കാദമിക്കും(സാഗ്) മിന്നും ജയം. സശാസ്ത്ര സീമാബെല്‍(എസ് എസ് ബി) മറുപടിയില്ലാത്ത അരഡസന്‍ ഗോളുകള്‍ക്ക് ഹോക്കി ഹിമാചലിനെ തകര്‍ത്തു. രഞ്ജിത മിന്‍ജിന്റെ ഫീല്‍ഡ് ഗോളിലൂടെ മുന്നിലെത്തിയ എസ് എസ് ബിക്കായി മനീഷ,പ്രീതി എന്നിവര്‍ ഇരട്ടഗോളുകള്‍ നേടി. മാക്‌സിമ എക്കയും ഒരു ഗോള്‍ സ്‌കോര്‍ ചെയ്തു. മിന്നും വിജയത്തോടെ എസ് എസ് ബി ക്വാര്‍ട്ടര്‍ ഫൈനല്‍ സാധ്യത സജീവമാക്കി.

വിദര്‍ഭ ഹോക്കി അസോസിയേഷനെ തരിപ്പണമാക്കിയാണ് സ്‌പോര്‍ട്‌സ് അതോറിറ്റി ഓഫ് ഗുജറാത്ത് ഹോക്കി അക്കാദമി(സാഗ്) യുടെ വിജയത്തുടക്കം.ഒന്നിന് പിറകെ ഒന്നായി 9 ഗോളുകളാണ് സാഗ് വിദര്‍ഭ വലയില്‍ അടിച്ചുകയറ്റിയത്. സാഗിനായി ശിവാങ്കി സോളങ്കി ഹാട്രിക്ക് നേടി.പരമേശ്വരി ഷാ രണ്ട് ഗോളും ഹിമാന്‍ഷി റദാദിയ,മൈത്രി റാംവാല,സാനിയ നൊറോണ, പ്രാചി പട്ടേല്‍ എന്നിവര്‍ ഓരോ ഗോളുകള്‍ വീതവും നേടി.നാളെ(ശനിയാഴ്ച) ടൂര്‍ണമെന്റില്‍ നാല് മത്സരങ്ങള്‍ നടക്കും.ഗുജറാത്ത് ടൂര്‍ണമെന്റിന്റെ ക്വാര്‍ട്ടര്‍ ഉറപ്പാക്കിയിട്ടുണ്ട്.

Advertisement