കൊറിയയോട് സമനില, ഗോള്‍ വ്യത്യാസത്തിൽ ഫൈനൽ കാണാതെ ഇന്ത്യ

Indiakorea

ഏഷ്യ കപ്പ് ഹോക്കിയിൽ ഇന്ന് സൂപ്പര്‍ 4ലെ അവസാന മത്സരത്തിൽ കൊറിയയോട് സമനില വഴങ്ങി ഇന്ത്യ. ഇതോടെ ഏഷ്യ കപ്പിന്റെ ഫൈനലില്‍ ഇന്ത്യയ്ക്ക് ഇടം ലഭിച്ചില്ല. മലേഷ്യ, കൊറിയ, ഇന്ത്യ എന്നീ ടീമുകള്‍ക്ക് 5 പോയിന്റ് വീതം ആയിരുന്നുവെങ്കിലും ഗോള്‍ വ്യത്യാസത്തിന്റെ മികവിൽ മലേഷ്യയും കൊറിയയും ഫൈനലിലേക്ക് യോഗ്യത നേടി.

മലേഷ്യയ്ക്ക് 5 ഗോള്‍ വ്യത്യാസവും കൊറിയയ്ക്ക് 2 ഗോള്‍ വ്യത്യാസവും ആയിരുന്നു കൈവശമുണ്ടായിരുന്നത്. ഇന്ത്യയ്ക്കാകട്ടേ ഒരു ഗോള്‍ വ്യത്യാസവും. ഇന്നത്തെ മത്സരത്തിൽ നാല് വീതം ഗോളാണ് ഇന്ത്യയും കൊറിയയും നേടിയത്. ആദ്യ പകുതിയിൽ തുടരെ ഇരു ടീമുകളും ഗോള്‍ നേടിയപ്പോള്‍ ലീഡ് മാറി മറിയുന്നതാണ് കണ്ടത്.

ആദ്യ പകുതി അവസാനിക്കുമ്പോള്‍ 3-3ന് ഇരു ടീമുകളും ഒപ്പത്തിനൊപ്പമായിരുന്നു. മൂന്നാം ക്വാര്‍ട്ടറിൽ ഇരു ടീമുകളും ഓരോ ഗോള്‍ നേടിയപ്പോള്‍ അവസാന ക്വാര്‍ട്ടറിൽ ഗോളുകളൊന്നും വന്നില്ല.

അതേ സമയം മലേഷ്യ ജപ്പാനെ 5-0 എന്ന സ്കോറിന് വീഴ്ത്തി.

Previous articleവെസ്റ്റിന്‍ഡീസിനെതിരെ 240 റൺസ് നേടി നെതര്‍ലാണ്ട്സ്
Next articleമൊണാക്കോ 80 മില്യൺ ആവശ്യപ്പെടുന്നു, റയൽ ചൗമെനിയെ സ്വന്തമാക്കുമോ?