ഇന്ത്യൻ ഹോക്കി ഫോർവേഡ് മൻദീപ് സിങ്ങിനും കൊറോണ വൈറസ് ബാധ സ്ഥിരീകരിച്ചു. ഇതോടെ ഇന്ത്യൻ ഹോക്കി ടീമിൽ ആറ് പേർക്കാണ് കൊറോണ വൈറസ് ബാധ സ്ഥിരീകരിച്ചത്. നേരത്തെ ഇന്ത്യൻ ക്യാപ്റ്റൻ മൻപ്രീത് സിംഗ്, സുരേന്ദർ കുമാർ, ജസ്‌കരൻ സിങ്, വരുൺ കുമാർ, കൃഷ്ണൻ ബഹദൂർ പഥക് എന്നിവർക്കും കൊറോണ വൈറസ് ബാധ സ്ഥിരീകരിച്ചിരുന്നു.
ദേശീയ ക്യാമ്പിന് വേണ്ടി ബെംഗളൂരു സായി ക്യാമ്പിൽ എത്തി കോവിഡ് പരിശോധന നടത്തിയപ്പോഴാണ് താരത്തിന് കൊറോണ വൈറസ് ബാധ സ്ഥിരീകരിച്ചത്. തുടർന്ന് നേരത്തെ കോവിഡ് പോസറ്റീവ് ആയ താരങ്ങൾക്കൊപ്പം താരത്തെ ചികിത്സിക്കുന്നുണ്ടെന്ന് സായി അധികാരികൾ വ്യക്തമാക്കി. ഓഗസ്റ്റ് 20ന് മുൻപ് ദേശീയ ക്യാമ്പ് തുടങ്ങുന്നതിന് മുന്നോടിയായാണ് താരങ്ങൾക്ക് കോവിഡ് പരിശോധന നടത്തിയത്.
