ഹാമിള്‍ട്ടണും ബോട്ടാസും ഒന്നും രണ്ടും സ്ഥാനങ്ങളില്‍

ബഹ്റൈന്‍ ഗ്രാന്‍ഡ് പ്രീ വിജയിച്ച് മെഴ്സിഡെസിന്റെ ലൂയിസ് ഹാമിള്‍ട്ടണ്‍. മെഴ്സിഡസിന്റെ തന്നെ വാള്‍ട്ടേരി ബോട്ടാസ് രണ്ടാം സ്ഥാനത്തെത്തിയപ്പോള്‍ പോള്‍ പൊസിഷനില്‍ നിന്ന് മത്സരം ആരംഭിച്ച ചാള്‍സ് ലെക്ലെര്‍ക്ക് മൂന്നാം സ്ഥാനത്ത് എത്തി. തന്റെ കന്നി പോള്‍ പൊസിഷനാണ് ബഹ്റൈനില്‍ ചാള്‍സ് സ്വന്തമാക്കിയത്.

നാലാം സ്ഥാനത്ത് റെഡ് ബുള്ളിന്റെ മാക്സ് വെര്‍സ്റ്റാപ്പനും അഞ്ചാം സ്ഥാനത്ത് ഫെരാരിയുടെ സെബാസ്റ്റ്യന്‍ വെറ്റലും എത്തി. ഡ്രൈവര്‍മാരുടെ റേസില്‍ 44 പോയിന്റുമായി ബോട്ടാസ് ആണ് മുന്നില്‍ തൊട്ടു പുറകെ 43 പോയിന്റുമായി ഹാമിള്‍ട്ടണുമുണ്ട്. മൂന്നാം സ്ഥാനത്തുള്ള മാക്സ് വെര്‍സ്റ്റാപ്പന് 27 പോയിന്റും നാലില്‍ നില്‍ക്കുന്ന ചാള്‍സ് ലെക്ലെര്‍ക്കിനു 26 പോയിന്റുമാണുള്ളത്.