വില്യം സലിബയുമായുള്ള കരാർ ചർച്ചകൾ ശുഭപ്രതീക്ഷയോടെ കാണുന്നു എന്ന് ആഴ്സണൽ മാനേജർ മൈക്കൽ അർട്ടേറ്റ. കരാർ പുതുക്കാനുള്ള ചർച്ചകൾ നടത്താൻ ശരിയായ സമയം ക്ലബ് നോക്കുക ആണെന്ന് അദ്ദേഹം പറഞ്ഞു. ആഴ്സണലിന്റെ ഭാവി പദ്ധതികളുടെ ഒരു പ്രധാന ഭാഗമാണ് സാലിബയെന്നും ആർട്ടെറ്റ ഊന്നിപ്പറഞ്ഞു.
ഫ്രഞ്ച് സെന്റർ ബാക്ക് ആയ സാലിബ 2019 ൽ ആഴ്സണലിൽ ചേർന്നെങ്കിലും ആദ്യ രണ്ട് സീസണുകൾ ലോണിൽ ആയിരുന്നു ചെലവഴിച്ചത്. പക്ഷെ ഈ സീസണിൽ താരം ആഴ്സണലിൽ തന്റെ കഴിവ് തെളിയിച്ചു. ലീഗ് കിരീട പോരാട്ടത്തിൽ ആഴ്സണലിനെ നിലനിർത്തുന്നതിൽ സലിബക്ക് വലിയ പങ്കുണ്ടായിരുന്നു. താരം ഇപ്പോൾ പരിക്കേറ്റ് പുറത്താണ്‌. 21 കാരനായ ഡിഫൻഡർ ആരാധകരുടെയും പ്രിയപ്പെട്ട ആളായി ഈ സീസണിൽ മാറുകയും ചെയ്തു. 2024വരെയുള്ള കരാർ ആണ് ഇപ്പോൾ സലിബക്ക് ആഴ്സണലിൽ ഉള്ളത്.
