U-16 ഏഷ്യാകപ്പ്; ദക്ഷിണ കൊറിയയെയും അട്ടിമറിച്ച് താജികിസ്താൻ ഫൈനലിൽ

മലേഷ്യയിൽ നടക്കുന്ന അണ്ടർ 16 ഏഷ്യാ കപ്പിൽ താജികിസ്താൻ ഫൈനലിൽ. ഇന്ന് നടന്ന രണ്ടാം സെമി ഫൈനലിൽ ദക്ഷിണ കൊറിയയെ അട്ടിമറിച്ചാണ് താജികിസ്ഥാൻ ഫൈനലിലേക്ക് കടന്നത്. പെനാൾട്ടി ഷൂട്ടൗട്ടിലായിരുന്നു താജികിസ്താന്റെ വിജയം. നിശ്ചിത സമയത്ത് 1-1 എന്ന നിലയിലായിരുന്നു സ്കോർ. ഇന്ത്യയെ തോൽപ്പിച്ചായിരുന്നു ദക്ഷിണ കൊറിയ സെമിയിൽ എത്തിയത്. ടൂർണമെന്റിൽ ഈ മത്സരത്തിലണ് കൊറിയ ആദ്യമായി ഗോൾ വഴങ്ങിയത്.

ഉത്തര കൊറിയ അട്ടിമറിച്ചായിരുന്നു താജികിസ്താൻ സെമിയിലേക്ക് വന്നത്. ഫൈനലിൽ ജപ്പാനെയാണ് താജികിസ്താൻ നേരിടുക. ഓസ്ട്രേലിയയെ സെമിയിൽ വീഴ്ത്തിയാണ് ജപ്പാൻ ഫൈനലിൽ എത്തിയത്. ഒക്ടോബർ 7നാണ് ഫൈനൽ.

Previous articleയുവ താരങ്ങൾക്ക് ആദ്യ അവസരം നൽകി ഇംഗ്ലണ്ട് ടീം
Next articleയൂറോപ്പയിൽ ആഴ്‌സണലിന് മികച്ച ജയം