ലെസ്റ്റർ സിറ്റിയുടെ ബെൽജിയം മധ്യനിര താരം യൂറി ടിലമെൻസിനു ആയി ഒരിക്കൽ കൂടി ആഴ്‌സണൽ ലെസ്റ്റർ സിറ്റിയെ സമീപിക്കും
ലെസ്റ്റർ സിറ്റിയുടെ ബെൽജിയം മധ്യനിര താരം യൂറി ടിലമെൻസിനു ആയി ഒരിക്കൽ കൂടി ആഴ്‌സണൽ ലെസ്റ്റർ സിറ്റിയെ സമീപിക്കും എന്നു സൂചന. ട്രാൻസ്ഫർ ജാലകം തുറക്കുന്നതിന് മുമ്പ് ആഴ്‌സണലും ആയി ചർച്ചകൾ ആരംഭിച്ച ടിലമെൻസിന് ആയി ലെസ്റ്റർ സിറ്റിക്ക് മുമ്പിൽ വരും ദിനങ്ങളിൽ ആഴ്‌സണൽ കരാർ മുന്നോട്ട് വക്കും എന്നാണ് റിപ്പോർട്ടുകൾ. ആഴ്‌സണലിൽ എത്താൻ താൽപ്പര്യം ഉള്ള താരത്തെ കഴിഞ്ഞ മത്സരത്തിൽ ലെസ്റ്റർ സിറ്റി കളിപ്പിച്ചിരുന്നില്ല.
താരത്തെ ക്ലബ് വിടാൻ ലെസ്റ്റർ അനുവദിക്കും എന്നാണ് സൂചന. നേരത്തെ ഇനിയും ടീമിൽ താരങ്ങൾ എത്തും എന്ന സൂചന ആഴ്‌സണൽ പരിശീലകൻ മൈക്കിൾ ആർട്ടെറ്റ നൽകിയിരുന്നു. എന്നാൽ ഫിനാൻഷ്യൽ ഫെയർ പ്ലെ നിയമങ്ങൾ ആഴ്‌സണലിന് വലിയ പണം മുടക്കാൻ തടസ്സമായേക്കും എന്നും റിപ്പോർട്ടുകൾ ഉണ്ട്. സീസണിൽ ആഴ്‌സണലിന് എതിരെ എമിറേറ്റ്‌സിൽ ലെസ്റ്റർ സിറ്റി കളിച്ചപ്പോൾ ആഴ്‌സണൽ ആരാധകർ ടിലമെൻസിനെ സ്വാഗതം ചാന്റ് ചെയ്തിരുന്നു.
Story Highlight : Reports suggests Arsenal may bid second time for Leicester City’s Tielemans.
