മുഹമ്മദ് എൽനെനിയെ ഗുരുതര പരിക്ക് കാരണം നഷ്ടമായ ആഴ്സണൽ ബ്രസീലിയൻ മധ്യനിര താരത്തെ ടീമിൽ എത്തിക്കാൻ ശ്രമിക്കുന്നത് ആയി വാർത്തകൾ. ബ്രസീലിയൻ, ലാറ്റിൻ അമേരിക്കൻ ജേതാക്കൾ ആയ പാൽമിറാസ്‌ താരം ഡാനിലോ ഡോസ് സാന്റോസിനെ സ്വന്തമാക്കാൻ ആണ് ആഴ്സണൽ ശ്രമം.
ജനുവരി മുതൽ ആഴ്സണൽ നിരീക്ഷണത്തിലുള്ള താരം കഴിഞ്ഞ ക്ലബ് ലോകകപ്പിലും കളിച്ചിരുന്നു. നിലവിൽ താരത്തിന് ആയി 20 മില്യൺ യൂറോ ആഴ്സണൽ മുന്നോട്ട് വച്ചു എന്നാണ് സൂചനകൾ. ഈ ട്രാൻസ്ഫർ വിപണി അവസാനിക്കാൻ മണിക്കൂറുകൾ മാത്രം ബാക്കിയുള്ളപ്പോൾ എത്രയും പെട്ടെന്ന് ബ്രസീൽ ക്ലബും ആയി ധാരണയിൽ എത്തി ഭാവി പ്രതീക്ഷയായ താരത്തെ ടീമിൽ എത്തിക്കാൻ ആണ് ആഴ്സണൽ ശ്രമം.
