ഇന്ന് സെക്കൻഡ് ഡിവിഷൻ ഐ ലീഗ് ആദ്യ രണ്ട് സ്ഥാനങ്ങൾ ഉറപ്പിച്ചു കൊണ്ട് ഷില്ലോങ്ങ് ലജോങ്ങ് ഐ ലീഗിലേക്ക് പ്രൊമോഷൻ നേടി. നാലു വർഷത്തെ ഇടവേളക്ക് ശേഷമാണ് ഷില്ലോങ്ങ് ലജോങ്ങ് ഐ ലീഗിലേക്ക് തിരികെയെത്തുന്നത്‌. ഇന്ന് എഫ് സി ബെംഗളൂരു യുണൈറ്റഡിനെ 2-1 എന്ന സ്കോറിന് തോൽപ്പിച്ചതോടെയാണ് ഷില്ലോങ്ങിന് പ്രൊമോഷൻ ഉറപ്പായത്‌.
ഫൈനൽ റൗണ്ടിൽ ആദ്യ രണ്ടു സ്ഥാനങ്ങളിൽ ഫിനിഷ് ചെയ്യുന്നവർക്ക് ആണ് പ്രൊമോഷൻ നേടാൻ ആവുക. ഇന്നത്തെ ജയത്തോടെ നാലു മത്സരങ്ങളിൽ നിന്ന് 7 പോയിന്റുമായി അവർ ആദ്യ സ്ഥാനത്ത് നിൽക്കുകയാണ്‌. രണ്ടാമത്തെ ടീം ഏതാകും എന്ന് മെയ് 26ന് നടക്കുന്ന മത്സരങ്ങൾക്ക് ശേഷം അറിയാം.
