ഇന്ന് നടന്ന ആവേശകരമായ ആഫ്രിക്ക നേഷൻസ് കപ്പ് യോഗ്യതാ മത്സരത്തിൽ ദക്ഷിണാഫ്രിക്ക മൊറോക്കോയെ തോൽപ്പിച്ചു. ഗ്രൂപ്പ് കെയിലെ മത്സരത്തിൽ മൊറോക്കോയ്‌ക്കെതിരെ 2-1 എന്ന സ്കോറിനാണ് ദക്ഷിണാഫ്രിക്ക ജയിച്ചത്‌.
മൊറോക്കൻ താരം മുനീർ അഞ്ചാം മിനിറ്റിൽ വഴങ്ങിയ സെൽഫ് ഗോൾ കാരണം തുടക്കത്തിൽ തന്നെ ദക്ഷിണാഫ്രിക്ക മുന്നിൽ എത്തി. രണ്ടാം പകുതിയിൽ, 48-ാം മിനിറ്റിൽ ലെപാസ തന്റെ ടീമിന്റെ ലീഡ് ഇരട്ടിയാക്കി. മൊറോക്കൻ മിഡ്ഫീൽഡർ സിയെച് ഒരു മികച്ച ഗോളിലൂടെ ഇ 2-1 എന്നാക്കി എങ്കിലും പരാജയം ഒഴിവാക്കാൻ വേണ്ടിയിരുന്ന രണ്ടാം ഗോൾ കണ്ടെത്താൻ മൊറോക്കയ്ക്ക് ആയില്ല.
ലോകകപ്പ് സെമി ഫൈനലിസ്റ്റുകളായ മൊറോക്കോയെ തോൽപ്പിച്ച ദക്ഷിണാഫ്രിക്ക ഇതിനകം തന്നെ ആഫ്രിക്കൻ നേഷൺസ് കപ്പ് യോഗ്യത നേടിയിട്ടുണ്ട്.
