primus mobile
primus mobile

ജയത്തോടെ പ്രീ സീസൺ അവസാനിപ്പിച്ച് റയൽ

അമേരിക്കയിൽ റോമയെ മറികടന്ന് റയൽ മാഡ്രിഡ് പ്രീ സീസൺ ടൂർ അവസാനിപ്പിച്ചു. ഒന്നിനെതിരെ രണ്ട് ഗോളുകൾക്കാണ് റയൽ ജയം സ്വന്തമാക്കിയത്.

ന്യൂജെഴ്സിയിൽ നടന്ന മസരത്തിൽ ആദ്യ 15 മിനുട്ടിൽ നേടിയ 2 ഗോളുകളാണ് റയലിന് ജയം ഒരുക്കിയത്. രണ്ടാം മിനുട്ടിൽ ബെയ്ലിന്റെ പാസ്സ് സ്വീകരിച്ച അസെൻസിയോയാണ് റയലിനെ മുന്നിൽ എത്തിച്ചത്. 15 ആം മിനുട്ടിൽ ബെയിൽ സ്വന്തം ഗോളും നേടി ലീഡ് രണ്ടാക്കി.

രണ്ടാം പകുതിയിലും പന്ത് കൂടുതൽ കൈവശം വെച്ച റയൽ പക്ഷെ 83 ആം മിനുട്ടിൽ ഗോൾ വഴങ്ങിയതോടെ മത്സരം ആവേശകരമായ അന്ത്യത്തിലേക്ക് നീങ്ങി. കെവിൻ സ്ട്രോട്ട്മാനാണ് ഇറ്റലികാരുടെ ഗോൾ നേടിയത്. പിന്നീട് മികച്ച പ്രതിരോധം റയൽ തീർത്തതോടെ ജയം അവർക്ക് ഒപ്പം നിന്നു.

കൂടുതൽ കായിക വാർത്തകൾക്ക് : www.facebook.com/FanportOfficial