സീസൺ ആരംഭിക്കാൻ രണ്ട് ആഴ്ച മാത്രം ബാക്കിയിരിക്കെ മാഞ്ചസ്റ്റർ യുണൈറ്റഡിന് വൻ തിരിച്ചടി. അവരുടെ രണ്ട് പ്രധാന താരങ്ങൾക്ക് പരിക്ക്. ഇന്ന് നടന്മ ആഴ്‌സണലുമായുള്ള പ്രീ-സീസൺ മത്സരത്തിനിടെ റാസ്മസ് ഹൊയ്ലുണ്ടും ലെനി യോറോയും പരിക്കേറ്റ് കളംവിട്ടു. ഇരുവരുടെയും പരിക്ക് എത്ര സാരമുള്ളതാണ് എന്ന് വ്യക്തമായിട്ടില്ല.
യുണൈറ്റഡിനായി ഇന്ന് ഗോൾ നേടിയ ഹൊയ്ലുണ്ട് അധികം വൈകാതെ പരിക്ക് കാരണം കളം വിട്ടു. ഹൊയ്ലുണ്ടിന് ഹാം സ്ട്രിംഗ് ഇഞ്ച്വറിയാണ്. യോറോക്ക് ആങ്കിളിനാണ് പരിക്ക്. യോറോയുടെ പരിക്കിൽ ആണ് കൂടുതൽ ആശങ്ക എന്ന് മത്സര ശേഷം ടെൻ ഹാഗ് പറഞ്ഞു. ഇരുവരും എത്ര കാലം പുറത്തിരിക്കും എന്ന് നാളെയോടെയേ അറിയാൻ ആവുകയുള്ളൂ.
മാഞ്ചസ്റ്റർ യുണൈറ്റഡ് അവരുടെ സീസണിലെ ആദ്യ മത്സരമായ കമ്മ്യൂണിറ്റി ഷീൽഡിന് ഇറങ്ങാൻ ഇനി 13 ദിവസം മാത്രമെ ബാക്കിയുള്ളൂ.
