മാഞ്ചസ്റ്റർ യുണൈറ്റഡഡിന്റെ 2022/23 സീസണിലെ മികച്ച താരത്തിനുള്ള സർ മാറ്റ് ബസ്ബി പ്ലെയർ ഓഫ് ദ ഇയർ അവാർഡ് പുരസ്കാരം മാർക്കസ് റാഷ്ഫോർഡ് സ്വന്തമാക്കി. കരിയറിൽ ആദ്യമായാണ് റാഷ്ഫോർഡ് ഈ പുരസ്കാരം സ്വന്തമാക്കുന്നത്. ഈ സീസണിൽ ഇതുവരെ 30 ഗോളുകൾ നേടിയ റാഷ്ഫോർഡിന് ഇത് ഒരു ഗംഭീര സീസൺ ആയിരുന്നു.
ലോകമെമ്പാടുമുള്ള ആരാധകർ ManUtd.com വഴിയും യുണൈറ്റഡ് ആപ്പിലൂടെയും ഫോർവേഡിനായി വോട്ട് ചെയ്തു. 1998-ൽ റയാൻ ഗിഗ്‌സിന് ശേഷം സർ മാറ്റ് ബസ്ബി പ്ലെയർ ഓഫ് ദ ഇയർ അവാർഡ് നേടുന്ന ആദ്യത്തെ ക്ലബ്ബ് അക്കാദമി പ്രൊഡക്ട് ആണ് റാഷ്ഫോർഡ്.
മാഞ്ചസ്റ്റർ യുണൈറ്റഡിന്റെ പ്ലെയേഴ്‌സ് പ്ലെയർ ഓഫ് ദി ഇയർ അവാർഡും റാഷ്ഫോർഡ് തന്നെ സ്വന്തമാക്കി. 30 ഗോളുകൾക്ക് പുറമേ, 11 അസിസ്റ്റുകളും റാഷ്ഫോർഡ് ഈ സീസണിൽ സംഭാവന ചെയ്തു.
