ചെൽസി അവസാനം പുതിയ പരിശീലകനായി പോച്ചെറ്റിനോയെ പ്രഖ്യാപിച്ചു. 2023/24 സീസണിന്റെ തുടക്കം മുതൽ മൗറീഷ്യോ പോച്ചെറ്റിനോ പുരുഷ ടീമിന്റെ മുഖ്യ പരിശീലകനാകുമെന്ന് ചെൽസി ഫുട്ബോൾ ക്ലബ് സ്ഥിരീകരിച്ചു. 2023 ജൂലായ് 1-ന് ആകും പോച്ചെറ്റിനോ ജോലി ആരംഭിക്കുക. അർജന്റീനക്കാരന് രണ്ട് വർഷത്തെ കരാർ ചെൽസി നൽകി അത് കഴിഞ്ഞ് ഒരു വർഷത്തേക്കു കൂടെ കരാർ നീട്ടാനുള്ള ഓപ്‌ഷനും ഉണ്ട്.
സ്‌പെയിനിലും ഫ്രാൻസിലും കൂടാതെ പ്രീമിയർ ലീഗിൽ നിരവധി സീസണുകൾ സ്പർസിനൊപ്പം ചിലവഴിച്ച അനുഭവസമ്പത്തും 51കാരനുണ്ട്. അവസാനമായൊ പാരീസ് സെന്റ് ജെർമെയ്‌നിൽ പ്രവർത്തിച്ച പോച്ചെറ്റിനോ ക്ലബ്ബിനെ ലീഗ് 1 കിരീടത്തിലേക്കും കൂപ്പെ ഡി ഫ്രാൻസിലേക്കും നയിച്ചിരുന്നു.
മൗറീഷ്യോയുടെ സ്റ്റാഫിൽ ജീസസ് പെരസ്, മിഗ്വൽ ഡി അഗോസ്റ്റിനോ, ടോണി ജിമെനെസ്, സെബാസ്റ്റ്യാനോ എന്നിവരും ഉൾപ്പെടുന്നതായി ക്ലബ് അറിയിച്ചു.
