അവസാന വർഷങ്ങളിൽ റൊണാൾഡോ മെസ്സി ചർച്ചകളിൽ മെസ്സി ഒരുപാട് മുന്നിൽ എത്തി എന്ന് പിക്വെ

ലയണൽ മെസ്സിയും ക്രിസ്റ്റ്യാനോ റൊണാൾഡോയും തമ്മിലെടുത്താൽ മികച്ച കളിക്കാരൻ ആരെന്നുള്ള ചർച്ചയിൽ അഭിപ്രായം പറഞ്ഞു മുൻ ബാഴ്‌സലോണ ഡിഫൻഡർ ജെറാർഡ് പിക്വെ. റൊണാൾഡോയുടെ കഠിനപ്രയത്നത്തെ അംഗീകരിക്കുന്നു എന്നും എന്നാൽ, പ്രതിഭയുടെ കാര്യത്തിൽ മെസ്സിയാണ് ഏറ്റവും മികച്ചവൻ എന്നും പിക്വെ പറഞ്ഞു.

“റൊണാൾഡോ കഠിനാധ്വാനം ചെയ്തുവെന്നത് ശരിയാണ്, ഇരുവരുൻ തമ്മിലുള്ള പോരാട്ടങ്ങളും ശ്രദ്ധേയമായിരുന്നു, എന്നാൽ സമീപ വർഷങ്ങളിൽ മെസ്സിയെ റൊണാൾഡോയേക്കാൾ ഏറെ മെച്ചപ്പെട്ടു. അത് വ്യക്തമാണ്.” പിക്വെ പറഞ്ഞു

35 വയസ്സിലും ഉയർന്ന തലത്തിൽ മത്സരിക്കാൻ തനിക്ക് കഴിയുമെന്ന് മെസ്സി തെളിയിച്ചു. ലോകകപ്പിൽ ഫുട്ബോൾ ലോകം കണ്ടത് അതാണ് എന്നും പിക്വെ പറയുന്നു.