അണ്ടർ 20 സാഫ് കപ്പിൽ നിന്ന് ഇന്ത്യൻ പെൺകുട്ടികൾ പുറത്ത്. ഇന്ന് നേപ്പാളിനെ നേരിട്ട ഇന്ത്യം 3-1ന്റെ പരാജയം ആണ് ഏറ്റുവാങ്ങിയത്. ഇന്ന് ഒരു സമനില മതിയായിരുന്നു ഇന്ത്യക്ക് ഫൈനൽ ഉറപ്പിക്കാൻ. പക്ഷെ നിരാശ മാത്രമാണ് ഇന്ത്യക്ക് ലഭിച്ചത്. ആദ്യ പകുതിയിൽ ഒരു ഗോളിന് മുന്നിട്ടു നിന്ന ശേഷമാണ് ഇന്ത്യ തകർന്നത്. 21ആം മിനുട്ടിൽ അപൂർണ്ണ നർസാരിയാണ് ഇന്ത്യക്ക് ലീഡ് നൽകിയത്. ഈ ലീഡ് ആദ്യ പകുതിയിൽ നിലനിർത്താൻ ഇന്ത്യക്ക് ആയി.
രണ്ടാം പകുതിയുടെ തുടക്കത്തിൽ തന്നെ നേപ്പാൾ സമനില കണ്ടെത്തി. പിന്നീട് ഒരു പെനാൾട്ടിയിലൂടെ അവർ ലീഡ് എടുത്തു. മത്സരത്തിന്റെ അവസാന നിമിഷം മൂന്നാം ഗോളും നേടി നേപ്പാൾ വിജയവും ഫൈനലും ഉറപ്പിച്ചു. ബംഗ്ലാദേശും നേപ്പാളും ആകും ഫൈനൽ കളിക്കുക. ഇന്ത്യ ആദ്യ മത്സരത്തിൽ ഭൂട്ടാനെ തോൽപ്പിച്ചിരുന്നു എങ്കിലും പിന്നീട് ആ മികവ് ആവർത്തിക്കാൻ അയ്യില്ല.
