മലപ്പുറം എ ഡിവിഷൻ ഫുട്ബോൾ കിരീടം ബാസ്കോ ഒതുക്കുങ്ങൽ സ്വന്തമാക്കി. ഇത് ഒമ്പതാം തവണയാണ് ബാസ്കോ ഒതുക്കുങ്ങൽ മലപ്പുറം എ ഡിവിഷൻ സ്വന്തമാക്കുന്നത്. ഇന്ന് നടന്ന പോരാട്ടത്തിൽ എം എസ് പി മലപ്പുറത്തെ എതിരില്ലാത്ത ഒരു ഗോളിന് തോൽപ്പിച്ചതോടെയാണ് ബാസ്കോ കിരീടം ഉറപ്പിച്ചത്. 6 മത്സരങ്ങളിൽ അഞ്ചും ജയിച്ച് 15 പോയന്റോടെയാണ് ബാസ്കോയുടെ കിരീട നേട്ടം.
മലപ്പുറം കോട്ടപ്പടി സ്റ്റേഡിയത്തിലായിരുന്നു ലീഗ് മത്സരങ്ങൾ നടന്നിരുന്നത്. ഏഴു ടീമുകൾ മത്സരിച്ച ലീഗിൽ എം ഇ എസ് കോളേജ് മമ്പാടാണ് രണ്ടാം സ്ഥാനക്കാരായത്. 21 വർഷമായി ബാസ്കോ മലപ്പുറം ഒന്നാം ഡിവിഷനിൽ മാറ്റുരയ്ക്കുന്നു. സി പി എം ഉമ്മർ കോയ ആണ് ടീമിന്റെ പരിശീലകൻ.
കൂടുതൽ കായിക വാർത്തകൾക്ക് : www.facebook.com/FanportOfficial
