മുൻ ഇന്റർ മിലാൻ സ്ട്രൈക്കർ റൊമേലു ലുകാകു യുവന്റസുമായി ചർച്ചകൾ നടത്തിയത് തന്നെ നിരാശപ്പെടുത്തി എന്ന് ലുകാകുവിന്റെ ഇന്റർ മിലാനിലെ സ്ട്രൈക്കർ പാട്ണർ ആയിരുന്ന ലൗട്ടാരോ മാർട്ടിനസ്.
“റൊമേലു എന്നെ നിരാശപ്പെടുത്തി, അതാണ് സത്യം. ഈ വിവാദങ്ങൾ നടൽകുന്ന നാളുകളിൽ ഞാൻ അവനെ വിളിക്കാൻ ശ്രമിച്ചു, പക്ഷേ അവൻ ഒരിക്കലും എന്റെ ഫോൺ കോളുകൾ സ്വീകരിച്ചില്ല. എന്റെ മറ്റ് ടീമംഗങ്ങളും ലുകാലുവിനെ ബന്ധപ്പെടാൻ ശ്രമിച്ചിരുന്നു. ആരുടെ ഫോണുകളും അവൻ എടുത്തില്ല.” ലൗട്ടാരോ പറഞ്ഞു.
“ഞാൻ നിരാശനായി. പക്ഷേ അത് അവന്റെ ഇഷ്ടമാണ്, ”ഇന്റർ ക്യാപ്റ്റൻ പറഞ്ഞു. ഇന്റർ മിലാനിൽ തിരികെയെത്തും എന്ന് എല്ലാവരും കരുതിയ സമയത്തായിരുന്നു ഇന്ററിന്റെ പ്രധാന വൈരികളായ യുവന്റസുമായി ലുകാകു ചർച്ചകൾ നടത്തിയത്. ഇതോടെ താരത്തെ സ്വന്തമാക്കേണ്ട എന്ന് ഇന്റർ തീരുമാനിച്ചു.
തനിക്ക് സൗദിയിൽ നിന്ന് വലിയ ഓഫർ ഉണ്ടായിരുന്നു എന്നും അത് നിരസിച്ചാണ് താൻ ഇന്റർ മിലാനിൽ തുടരുന്നത് എന്നും ലൗട്ടാരോ പറയുന്നു.
“എനിക്ക് സൗദി ക്ലബ്ബുകളിൽ നിന്ന് വലിയ ഓഫറുകൽ ലഭിച്ചു, അത് സത്യമാണ്. എന്നാൽ ഇന്ററിലും മിലാനിൽ ഞാൻ വളരെ സന്തുഷ്ടനാണ്, ഞാൻ ഇവിടെ ക്യാപ്റ്റനാണ്, ഇന്റർ എന്റെ രണ്ടാമത്തെ വീടാണ്. ആദ്യ ദിവസം മുതൽ എനിക്ക് ഇവിടെ സ്നേഹം ലഭിക്കുന്നു. ഇവിടെ വന്നതിൽ ഞാൻ അഭിമാനിക്കുന്നു,” ലൗട്ടാരോ പറഞ്ഞു
