ബാഴ്സലോണ ക്യാമ്പിൽ മെസ്സി തിരിച്ചെത്തി

ലോകകപ്പിലെ നിരാശക്ക് ശേഷം മെസ്സി ആദ്യമായി ബാഴ്സലോണ ക്യാമ്പിൽ. ബാഴ്സകൊപ്പം മെസി പരിശീലനത്തിൽ തിരിച്ചെത്തി. സ്പാനിഷ് താരങ്ങളായ പികെ, ജോർഡി ആൽബ എന്നിവരും ഇന്ന് മെസ്സിക്കൊപ്പം പരിശീലനത്തിൽ തിരിച്ചെത്തിയിട്ടുണ്ട്.

പുതിയ സൈനിങ്ങുകളും മറ്റുമായി പുതിയ ഊർജം ലക്ഷ്യമിടുന്ന ബാഴ്സക്ക് തങ്ങളുടെ സ്റ്റാർ പ്ലെയർ തിരിച്ചെത്തിയത് ഊർജമാകും. സ്പാനിഷ് ലീഗിലെ ആധിപത്യം തുടരുന്നതിനൊപ്പം ചാമ്പ്യൻസ് ലീഗിൽ മികച്ച പ്രകടനം നടത്തുക എന്നതും മെസ്സിക്കും സംഘത്തിനും ലക്ഷ്യമാകും. പോയ 3 സീസണുകളിലും ബാഴ്സ ചാമ്പ്യൻസ് ലീഗിൽ ക്വാർട്ടർ ഫൈനലിൽ പുറത്തായിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial