കിംഗ്സ് കപ്പിൽ ഇന്ത്യൻ ഫുട്ബോൾ ടീമിന് ഇറാഖ് എതിരാളികൾ

49-ാമത് കിംഗ്‌സ് കപ്പ് 2023 സെമി ഫൈനലിൽ ഇന്ത്യൻ സീനിയർ പുരുഷ ടീം ഇറാഖിനെ നേരിടും. 2023 സെപ്തംബർ 7 ന് തായ്‌ലൻഡിലെ ചിയാങ് മായിലെ 700-ാം വാർഷിക സ്റ്റേഡിയത്തിലാണ് മത്സരം. അതേ ദിവസം തന്നെ നടക്കുന്ന മറ്റൊരു സെമിയിൽ തായ്‌ലൻഡ് ലെബനനെ നേരിടും.

49-ാമത് കിംഗ്‌സ് കപ്പ് 2023 സെമി ഫൈനലിലെ വിജയികൾ സെപ്റ്റംബർ 10-ന് ഫൈനലിൽ മത്സരിക്കും. തോറ്റവർ മൂന്നാം സ്ഥാനത്തിനുള്ള പ്ലേ ഓഫിൽ ഏറ്റുമുട്ടും. ഫിഫ റാങ്കിംഗിൽ 70-ാം സ്ഥാനത്ത് ഉള്ള ടീമാണ് ഇറാഖ്. 2010ൽ ബാഗ്ദാദിൽ നടന്ന സൗഹൃദ മത്സരത്തിൽ 0-2ന് തോറ്റതാണ് ഇറാഖുമായുള്ള ഇന്ത്യയുടെ അവസാന കൂടിക്കാഴ്ച.

തായ്‌ലൻഡിൽ നടക്കുന്ന കിംഗ്‌സ് കപ്പിലെ ഇന്ത്യയുടെ നാലാമത്തെ പങ്കാളിത്തമാണിത്, 2019ൽ ആയിരുന്നു ഏറ്റവും അവസാനം ഇന്ത്യ കിംഗ്സ് കപ്പിൽ പങ്കെടുത്തത്.

49th King’s Cup 2023 Draw Result:

Iraq vs India (16:00 IST, September 7, 2023)
Thailand vs Lebanon (19:00 IST, September 7, 2023)
Third-place play-off (16:00 IST, September 10, 2023)
Final (19:00 IST, September 10, 2023)