സന്തോഷ് ട്രോഫി; ഒഡീഷയിൽ നടക്കുന്ന ഗ്രൂപ്പ് ഘട്ടത്തിലെ നിർണായക മത്സരത്തിൽ കേരളവും കർണാടകയും നാളെ മുഖാമുഖം വരും. നാളെ രാവിലെ 9 മണിക്കാണ് മത്സരം ആരംഭിക്കുക. കളി ഫാൻകോട് ആപ്പിൽ ലൈവ് ആയി കാണാം. ഇന്നലെ നടന്ന ആദ്യ ഗ്രൂപ്പ് മത്സരത്തിൽ ആസിഫിന്റെ ഇഞ്ചുറി ടൈം ഗോളിൽ കേരളം ഗോവയെ 3-2ന് തോൽപിച്ചിരുന്നു. ഈ ഫലം കേരളത്തെ ഗ്രൂപ്പിൽ ഒന്നാം സ്ഥാനത്ത് നിർത്തുന്നുണ്ട്. നാളെ തങ്ങളുടെ വിജയ കുതിപ്പ് തുടരാൻ ആകും കേരളം നോക്കുന്നത്.
മറുവശത്ത്, കർണാടക ആദ്യ മത്സരത്തിൽ പഞ്ചാബിനെതിരായ 2-2ന്റെ സമനില വഴങ്ങിയിരുന്നു. സൗദി അറേബ്യയിൽ വെച്ച് നടക്കുന്ന സെമിഫൈനലിലേക്ക് ഗ്രൂപ്പിലെ ആദ്യ രണ്ട് ടീമുകൾ മാത്രമേ യോഗ്യത നേടൂ എന്നതിനാൽ ഈ മത്സരം ഇരു ടീമുകൾക്കും നിർണായകമാണ്.
