സബ്ജൂനിയർ ഫുട്ബോൾ; കണ്ണൂർ സെമിയിൽ

59ആമത് സംസ്ഥാന സബ് ജൂനിയർ ഫുട്ബോൾ ചാമ്പ്യൻഷിപ്പിൽ കണ്ണൂർ ജില്ലാ ടീം സെമിയിൽ പ്രവേശിച്ചു. ഗ്രൂപ്പ് ഘട്ടത്തിലെ മൂന്ന് മത്സരങ്ങളിൽ മൂന്നും ജയിച്ചാണ് കണ്ണൂർ അവസാന നാലിൽ പ്രവേശിച്ചത്. ഇന്ന് രാവിലെ നടന്ന ഗ്രൂപ്പ് ഘട്ടത്തിലെ അവസാന മത്സരത്തിൽ കണ്ണൂർ എതിരില്ലാത്ത രണ്ടു ഗോളുകൾക്ക് എറണാകുളത്തെ തോൽപ്പിച്ചു. കണ്ണൂരിനു വേണ്ടി 21ആം മിനുട്ടിൽ മുഹമ്മദ് അദ്നാനും, 25ആം മിനുട്ടിൽ ഷനിലും ഗോൾ കണ്ടെത്തി.

ഇന്നലെ ആദ്യ മത്സരത്തിൽ വയനാടിനെ ഏകപക്ഷീയമായ ഒരു ഗോളിനും രണ്ടാം മത്സരത്തിൽ തിരുവനന്തപുരത്തെ ഒന്നിനെതിരെ രണ്ട് ഗോളുകൾക്കും തോൽപ്പിച്ചിരുന്നു. ആ രണ്ട് മത്സരത്തിലും സബ് ആയി എത്തി സുഹൈർ ഹൈദരലിൽ ആയിരുന്നു കണ്ണൂരിനായി ഗോളുകൾ നേടിയത്.

22ന് നടക്കുന്ന സെമി പോരാട്ടത്തിൽ കണ്ണൂർ ഗ്രൂപ്പ് സി ചാമ്പ്യന്മാരെ നേരിടും.