സ്പർസിന്റെ ഈ സീസണിലെ പ്രതീക്ഷകളെ തകർത്ത് സൂപ്പർ താരം ഹാരി കെയ്‌ന് പരിക്ക്. ഇടത് കാലിൽ പരിക്കേറ്റ താരത്തിന് ചുരുങ്ങിയത് രണ്ട് മാസത്തോളം കളിക്കാനാവില്ല. ഇനി മാർച്ച് ആദ്യ വാരം മാത്രമേ താരത്തിന് പരിശീലനത്തിലേക്ക് മടങ്ങി വരാൻ സാധിക്കൂ എന്ന് സ്പർസ് സ്ഥിതീകരിച്ചു.
പ്രീമിയർ ലീഗിൽ മാഞ്ചസ്റ്റർ യുണൈറ്റഡിന് എതിരായ മത്സരത്തിന് ഇടയിലാണ് താരത്തിന് പരിക്കേറ്റത്. ലീഗ് കപ്പ് രണ്ടാം പാദ സെമി ഫൈനലിന് തയ്യാറെടുക്കുന്ന സ്പർസിനെ താരത്തിന്റെ പരിക്ക് വലക്കും എന്നുറപ്പാണ്. ഏഷ്യൻ ഗെയിൻസിന് വേണ്ടി സൗത്ത് കൊറിയൻ താരം ഹ്യുങ് മിൻ സോണും പോയതോടെ സ്പർസിന്റെ ആക്രമണ നിര തീർത്തും കരുത്ത് കുറഞ്ഞതായി.
