അറ്റാക്കിംഗ് താരം ഉദാന്ത സിംഗ് ഇനി ഒഡീഷ എഫ് സിയിൽ കളിക്കും. 28കാരനായ താരത്തെ ഒഡീഷ എഫ് സി സ്വന്തമാക്കും എന്നാണ് റിപ്പോർട്ടുകൾ വരുന്നത്. ഇപ്പോൾ എഫ് സി ഗോവയുടെ താരമായ ഉദാന്ത ഒരു വർഷം നീണ്ടു നിൽക്കുന്ന ലോണിൽ ആകും ഒഡീഷ എഫ് സിയിൽ എത്തുന്നത്‌. കഴിഞ്ഞ സീസണിൽ ആയിരുന്നു ഉദാന്ത ഗോവയിൽ എത്തിയത്.
ഗോവക്ക് ആയി 25 മത്സരങ്ങൾ കളിച്ച ഉദാന്ത 1 ഗോളും 2 അസിസ്റ്റും സംഭാവന നൽകിയിരുന്നു. ഗോവയിൽ എത്തും മുമ്പ് ഉദാന്ത ഒമ്പത് സീസണുകളോളം ബെംഗളൂരു എഫ്‌സിക്കൊപ്പമായിരുന്നു. ബെംഗളൂരു എഫ് സിക്ക് ആയി 201 മത്സരങ്ങൾ ഉദാന്ത കളിച്ചിട്ടുണ്ട്.
2014ൽ ആയിരുന്നു ഉദാന്ത ബെംഗളൂരു എഫ്‌സിയിൽ ചേർന്നത്. ബെംഗളൂരുവിനായി 100ൽ അധികം മത്സരങ്ങൾ ഐ എസ് എല്ലിൽ മാത്രം കളിച്ചു. ഉദാന്ത ക്ലബിനായി ആകെ 22 ഗോളും 22 അസിസ്റ്റും സംഭവാന ചെയ്തിട്ടുണ്ട്. അഞ്ച് കിരീടങ്ങൾ താരം ബെംഗളൂരുവിനൊപ്പം നേടി. ഐ ലീഗ്, ഐ എസ് എൽ, സൂപ്പർ കപ്പ്, ഡ്യൂറണ്ട് കപ്പ്, ഫെഡറേഷൻ കപ്പ് എന്നിവയെല്ലാം താരം നേടി.
