അവസാന ആറു വർഷമായി ചെന്നൈയിനൊപ്പം ഉണ്ടായിരുന്ന ഡിഫൻഡർ ജെറി ലാൽറിൻസുവാല ഇനി ഈസ്റ്റ് ബംഗാളിനായി കളിക്കും. ചെന്നൈയിൻ വിട്ട താരത്തെ ഫ്രീ ട്രാൻസ്ഫറിലാണ് ഈസ്റ്റ് ബംഗാൾ സ്വന്തമാക്കുന്നത്. താരം കരാർ അവസാനിച്ചതോടെ ഫ്രീ ഏജന്റായിരുന്നു. ഇന്ന് കൊൽക്കത്തയിൽ എത്തിയ താരം കരാർ ഒപ്പുവെച്ചു.
23കാരനായ താരം ചെന്നൈയിനായി 103 മത്സരങ്ങൾ കളിച്ചിട്ടുണ്ട്. എങ്കിലും അവസാന സീസണുകളിൽ ജെറിക്ക് തന്റെ പഴയ മികവിൽ എത്താൻ ആയുരുന്നില്ല. 2016ൽ ഐ എസ് എൽ എമേർജിങ് പ്ലയർ ആയി തിരഞ്ഞെടുക്കപ്പെട്ടിട്ടുള്ള താരം ഒരു ഐ എസ് എൽ കിരീടം ചെന്നൈയിന് ഒപ്പം നേടിയിട്ടുണ്ട്. എ ഐ എഫ് എഫ് എലീറ്റ് അക്കാദമിയിലൂടെ വളർന്നു വന്ന താരം മുമ്പ് ഇന്ത്യക്ക് ആയും കളിച്ചിട്ടുണ്ട്. ലോണിൽ ഡി എസ് ജി ശിവജിയൻസിനായി ഐലീഗിലും കളിച്ചിരുന്നു
Story Highlights; East Bengal are all set to announce the signing of defender Jerry Lalrinzuala (24) on a multi-year deal.
