ഐ എസ് എൽ ഇന്ത്യൻ ഫുട്ബോൾ താരങ്ങളുടെ ആത്മവിശ്വാസം വർധിപ്പിച്ചു എന്ന് മുൻ ഇന്ത്യൻ ക്യാപ്റ്റൻ ബെയ്ചുങ് ബൂട്ടിയ. ലോകകപ്പ് യോഗ്യതാ റൗണ്ടിലെ ആദ്യ രണ്ട് മത്സരങ്ങളിൽ ഇന്ത്യ നടത്തിയ പ്രകടനത്തെ വിലയിരുത്തിയാണ് ബൂട്ടിയ ഈ അഭിപ്രായം പറഞ്ഞത്. ഒമാനും ഖത്തറും പോലുള്ള ടീമുകൾക്ക് എതിരെ ഇന്ത്യൻ താരങ്ങൾ നടത്തിയ പ്രകടനം കണ്ടാൽ അവർക്ക് ആത്മവിശ്വാസം ഉണ്ടെന്ന് മനസ്സിലാക്കാം. ഇന്ത്യൻ ഫുട്ബോൾ ഇതിഹാസം പറഞ്ഞു.
ഐ എസ് എല്ലിൽ മികച്ച താരങ്ങൾക്ക് ഒപ്പം പരിശീലനം നടത്തുന്നതും അത്തരം താരങ്ങൾക്ക് എതിരെ കളിച്ച് മികവ് തെളിയിക്കാൻ കഴിയുന്നതും കൊണ്ടാണ് ഈ മാനസികമായ കരുത്ത് ഇപ്പോൾ ഇന്ത്യൻ താരങ്ങളിൽ കാണുന്നത്. ബൂട്ടിയ പറഞ്ഞു. മാത്രമല്ല ഏതു ടാക്ടിക്സിലും കളിക്കാനും ഇപ്പോൾ ഇന്ത്യൻ താരങ്ങൾക്ക് ആവുന്നുണ്ട്. സ്റ്റിമാചിന്റെ കീഴിൽ നടത്തുന്ന പ്രകടനങ്ങൾ അതിന്റെ തെളിവാണ്. ബൂട്ടിയ കൂട്ടിച്ചേർത്തു.
