മൂന്ന് താരങ്ങളുടെ കരാർ പുതുക്കി മോഹൻ ബഗാൻ

ഐ എസ് എൽ തുടങ്ങുന്നതിന് മുന്നോടിയായി ഐ എസ് എൽ ക്ലബായ എ ടി കെ മോഹൻ ബഗാൻ അവരുടെ മൂന്ന് താരങ്ങളുടെ കരാർ പുതുക്കി‌ അറ്റാകിംഗ് താരങ്ങളായ മൻവീർ സിംഗ്, ലിസ്റ്റൺ കൊളാസോ, ഡിഫൻസീവ് മിഡ്ഫീൽഡറും ഡിഫൻഡറും ആയ ദീപക് ടാങ്രി എന്നിവരുടെ കരാർ ആണ് മോഹൻ ബഗാൻ പുതുക്കിയത്.

ദീപക് ടാങ്രി 2026വരെയുള്ള കരാർ ആണ് ഒപ്പുവെച്ചത്. 2021ൽ ആയിരുന്നു താരം മോഹൻ ബഗാനിൽ എത്തിയത്. ലിസ്റ്റൺ കൊളാസോയും മൻവീറും 2027 വരെയുള്ള കരാർ ഒപ്പുവെച്ചു. ഇന്ത്യയുടെ ഭാവി ആയി കണക്കാപ്പെടുന്ന രണ്ട് താരങ്ങളാണ് ലിസ്റ്റണും മൻവീറും. 26കാരനായ മൻവീർ 2020 സീസൺ തുടക്കത്തിൽ ആയിരുന്നു ബഗാനിൽ എത്തിയത്. ലിസ്റ്റൺ 2021ൽ ഹൈദരബാദ് വിട്ടാണ് കൊൽക്കത്തയിൽ എത്തിയത്.