ഇന്റർ കോണ്ടിനെന്റൽ കപ്പ് ഇന്ന് ആരംഭിക്കും, ഇന്ത്യ മംഗോളിയക്കെതിരെ

ഹീറോ ഇന്റർ കോണ്ടിനെന്റൽ കപ്പിന് ഇന്ന് തുടക്കമാകും. ഭുവനേശ്വറിലെ കലിംഗ സ്റ്റേഡിയത്തിൽ രാത്രി 7.30ന് നടക്കുന്ന മംഗോളിയയ്‌ക്കെതിരായ മത്സരത്തോടെ ഇന്ത്യയുയ്യെ ടൂർണമെന്റ്ന് ആരംഭമാകും. മത്സരം സ്റ്റാർ സ്‌പോർട്‌സ് 2, ഡിസ്‌നി+ ഹോട്ട്‌സ്റ്റാർ, ജിയോ ടിവി എന്നിവയിൽ തത്സമയം കാണാം. ഇന്ന് വൈകിട്ട് 4.30ന് നടക്കുന്ന ലെബനനും വാനുവാട്ടുവും തമ്മിലുള്ള മത്സരത്തോടെ ആകും ടൂർണമെന്റ് ഉദ്ഘാടനമാവുക.

2018ൽ മുംബൈയിൽ നടന്ന ഉദ്ഘാടന ടൂർണമെന്റിൽ ആതിഥേയരായ ഇന്ത്യ ഫൈനലിൽ കെനിയയെ 2-0ന് പരാജയപ്പെടുത്തി കിരീടം നേടിയിരുന്നു. 2019 ൽ അഹമ്മദാബാദിൽ നടന്ന അവസാന പതിപ്പിൽ ഡിപിആർ കൊറിയ താജിക്കിസ്ഥാനെ പരാജയപ്പെടുത്തി കിരീടം ഉയർത്തി.

ഏഴ് മാസത്തിനുള്ളിൽ ഖത്തറിൽ നടക്കുന്ന എഎഫ്‌സി ഏഷ്യൻ കപ്പിനുള്ള ഒരുക്കമായാണ് ഇന്ത്യ ഈ മത്സരങ്ങൾ എല്ലാം കാണുന്നത്. മെയ് 15 മുതൽ ഇന്ത്യ ഭുവനേശ്വറിൽ ക്യാമ്പിലായിരുന്നു.
ഫിഫ റാങ്കിംഗിൽ 183-ാം സ്ഥാനത്താണ് ഇന്ത്യയുടെ ഇന്നത്തെ എതിരാളികളായ മംഗോളിയ ഉള്ളത്.