ഇന്ത്യൻ വനിതാ ഫുട്ബോൾ ടീമിന് നിരാശ. ഇന്ന് താഷ്‌കന്റിലെ ലോകോമോട്ടീവ് സ്റ്റേഡിയത്തിൽ നടന്ന എഎഫ്‌സി വനിതാ ഒളിമ്പിക് യോഗ്യതാ ടൂർണമെന്റ് റൗണ്ട് 2 ലെ അവരുടെ ആദ്യ മത്സരത്തിൽ മുൻ ലോകകപ്പ് ചാമ്പ്യന്മാരായ ജപ്പാനെതിരെ ഇന്ത്യ പരാജയപ്പെട്ടു. എതിരില്ലാത്ത ഏഴു ഗോളുകൾക്ക് ആയിരുന്നു പരാജയം.
ബ്ലൂ ടൈഗ്രെസസ് ഹെഡ് കോച്ച് തോമസ് ഡെന്നർബി ഡിഫൻസിൽ ഊന്നി കളിക്കാൻ തീരുമാനിച്ചിട്ടും വലിയ പരാജയം ഒഴിവാക്കാൻ ആയില്ല.5-3-2 എന്ന ഫോർമേഷനിൽ ആണ് ഇന്ത്യ ഇന്ന് കളിച്ചു. ആദ്യ 45 മിനിറ്റ് നന്നായി ആ ടാക്ടിക്സ് പ്രവർത്തച്ചു. ആദ്യ പകുതിയിൽ ജപ്പാന് ഒരു ഗോൾ മാത്രമെ നേടാൻ ആയുള്ളൂ. എന്നാൽ രണ്ടാം പകുതിയിൽ ഇന്ത്യക്ക് പിടിച്ചു നിൽക്കാൻ ആയില്ല. ആറു ഗോളുകൾ ആണ് ജപ്പാൻ രണ്ടാം പകുതിയിൽ നേടിയത്.
