ഇന്ത്യ ആതിഥ്യം വഹിച്ച അണ്ടർ 17 വനിതാ ലോകകപ്പ് കിരീടം സ്പെയിൻ സ്വന്തമാക്കി. ഇന്ന് നടന്ന ഫൈനലിൽ കൊളംബിയയെ പരാജയപ്പെടുത്തി ആണ് സ്പാനിഷ് യുവതികൾ കിരീടം സ്വന്തമാക്കിയത്. മറുപടിയില്ലാത്ത ഒരു ഗോളിനായിരുന്നു സ്പെയിനിന്റെ വിജയം. ഈ ഗോളും ഒരു സെൽഫ് ഗോളായിരുന്നു. മത്സരത്തിന്റെ 82ആം മിനുട്ടിൽ സപാറ്റ ആണ് സ്വന്തം പോസ്റ്റിലേക്ക് തന്നെ പന്ത് എത്തിച്ചത്.
ഇന്ന് വൈകിട്ട് നടന്ന ലൂസേഴ്സ് ഫൈനലിൽ നൈജീരിയ ജർമ്മനിയെ പരാജയപ്പെടുത്തി. പെനാൾട്ടി ഷൂട്ടൗട്ടിൽ ആയിരുന്നു നൈജീരിയയുടെ വിജയം. കളി നിശ്ചിത സമയം കഴിയുമ്പോൾ 3-3 എന്ന നിലയിൽ ആയിരുന്നു. പെനാൽറ്റി ഷൂട്ടൗട്ടിൽ 3-2നാണ് നൈജീരിയ ജയിച്ചത്.
