എഫ് സി കേരള തങ്ങളുടെ യൂത്ത് അക്കാദമി ടീമുകളിലേക്ക് താരങ്ങളെ ക്ഷണിച്ചു കൊണ്ട് വീണ്ടും ട്രയൽസ് നടത്തുന്നു. വരും വർഷം യൂത്ത് ഐ ലീഗിൽ കളിക്കുന്ന എഫ് സി കേരളയുടെ അണ്ടർ 13, അണ്ടർ 15 ടീമുകളിലേക്ക് താരങ്ങളേ തിരഞ്ഞെടുക്കാനുള്ള ട്രയൽസ് മെയ് 18ന് തൃശ്ശൂരിൽ നടക്കും.
2004-05 , 2006-2007 വർഷങ്ങളിൽ ജനിച്ച കുട്ടികൾക്ക് ട്രയൽസിൽ പങ്കെടുക്കാൻ. താല്പര്യമുള്ള കുട്ടികളും രക്ഷിതാക്കളും മെയ് 18ന് രാവിലെ 8 മണിക്ക് തൃശ്ശൂർ കോർപ്പറേഷൻ സ്റ്റേഡിയത്തിൽ എത്തണം. ജനന സർട്ടിഫിക്കറ്റും ആധാർ കാർഡും കളിക്കാൻ ആവശ്യമായ കിറ്റും കരുതേണ്ടതുണ്ട്. 100 രൂപ രജിസ്ട്രേഷൻ ഫീസും ഉണ്ടാകും.
തിരഞ്ഞെടുക്കപ്പെടുന്ന കുട്ടികൾക്ക് സുബ്രതോ കപ്പ്, യൂത്ത് ഐ ലീഗുകൾ, ഇന്റർ സ്കൂൾ ടൂർണമെന്റുകൾ, കെ എഫ് എ അക്കാദമി ലീഗ് തുടങ്ങിയവയിൽ പങ്കെടുക്കാൻ അവസരമുണ്ടാകും.
കൂടുതൽ വിവരങ്ങൾക്ക്; 9846761271, 9847498249, 9633300854
