അർജന്റീന താരം പോളോ ഡിബാലക്ക് പരിക്ക്. ഇന്നലെ റോമയ്ക്ക് ആയി കളിക്കുന്നതിന് ഇടയിലാണ് ഡിബാലക്ക് പരിക്കേറ്റത്. താരം ഒരു മാസത്തിലധികം പുറത്തിരിക്കും എന്നാണ് റിപ്പോർട്ടുകൾ. ആദ്യ പകുതിയിൽ തന്നെ താരത്തെ റോമ സബ് ചെയ്തിരുന്നു. കളി വിജയിച്ച ശേഷം സംസാരിച്ച റോമയുടെ കോച്ച് ജോസെ മൗറീനോ ഡിബാല ദീർഘകാലം പുറത്തിരിക്കും എന്ന് അറിയിച്ചു.
അർജന്റീന ദേശീയ ടീമിലേക്ക് തിരികെയെത്തിയ ഡിബാലക്ക് ഇത് തിരിച്ചടിയായി. പരിക്ക് കാരണം ഡിബാലയെ ടീമിൽ നിന്ന് ഒഴിവാക്കിയതായി അർജന്റീന ഇന്ന് അറിയിച്ചു. പരാഗ്വേക്കും പെറുവിനും എതിരായ ലോകകപ്പ് യോഗ്യത മത്സരങ്ങൾ ഡിബാലക്ക് നഷ്ടമാകും. പരിക്ക് കാരണം ഡി മറിയ, ഹുവാൻ ഫൊയ്ത് എന്നിവരും അർജന്റീന സ്ക്വാഡിൽ നിന്ന് പുറത്താണ്‌.
