ഡ്യൂറണ്ട് കപ്പ് 2022; വിജയത്തോടെ ബെംഗളൂരു എഫ് സി തുടങ്ങി | Bengaluru FC got a bright winning start
ഡ്യൂറണ്ട് കപ്പ്; ബെംഗളൂരു എഫ് സിക്ക് വിജയ തുടക്കം.
ഡ്യൂറണ്ട് കപ്പ്; ബെംഗളൂരു എഫ് സിക്ക് വിജയ തുടക്കം. ഇന്ന് ആദ്യ മത്സരത്തിൽ ജംഷദ്പൂർ എഫ് സിയെ നേരിട്ട ബെംഗളൂരു എഫ് സി ഒന്നിനെതിരെ രണ്ടു ഗോളുകളുടെ വിജയം സ്വന്തമാക്കി. ബെംഗളൂരുവിന്റെ പുതിയ അറ്റാക്കിങ് കൂട്ടുകെട്ടായ റോയ് കൃഷ്ണയും സുനിൽ ഛേത്രിയും തിളങ്ങിയത് ബെംഗളൂരു എഫ് സിയുടെ ജയത്തിന് കരുത്തായി.
23ആം മിനുട്ടിൽ സുനിൽ ഛേത്രിയാണ് ബെംഗളൂരു എഫ് സിക്ക് ലീഡ് നൽകിയത്. ഈ ഗോളിന്റെ ബലത്തിൽ ആദ്യ പകുതി 1-0ന് അവസാനിപ്പിക്കാൻ ബെംഗളൂരു എഫ് സിക്ക് ആയി. രണ്ടാം പകുതിയുടെ തുടക്കത്തിൽ റോയ് കൃഷ്ണയും ഛേത്രിയും കൂടെ ചേർന്ന് നടത്തിയ ഒരു സുന്ദര നീക്കം റോയ് കൃഷ്ണയുടെ ഫിനിഷിൽ ഗോളായി മാറി.
62ആം മിനുട്ടിൽ റിഷിയാണ് ജംഷദ്പൂരിന് ആശ്വാസ ഗോൾ നൽകിയത്. ഗ്രൂപ്പ് എയിൽ ഇതോടെ ബെംഗളൂരു എഫ് സിക്കും മൊഹമ്മദൻസിനും 3 പോയിന്റ് വീതമായി.
Story Highlight: Goals from Chhetri and Krishna give the Bengaluru FC a winning start
