ഡ്യൂറണ്ട് കപ്പ്; മലയാളികൾ തിളങ്ങിയ ആദ്യ മത്സരം, നെമിലിനും ഫസലുറഹ്മാനും ഗോൾ, ജയം മൊഹമ്മദൻ സ്പോർടിംഗിന്

ഡ്യൂറണ്ട് കപ്പ്: ടൂർണമെന്റിന്റെ ആദ്യ ദിവസം മലയാളി താരങ്ങളുടെ തിളക്കം. ഇന്ന് കൊൽക്കത്തയിൽ ആദ്യ മത്സരത്തിൽ മൊഹമ്മദൻ സ്പോർടിങ് എഫ് സി ഗോവയെ പരാജയപ്പെടുത്തി. ഒന്നിനെതിരെ മൂന്ന് ഗോളുകൾക്കായിരുന്നു മൊഹമ്മദൻസിന്റെ വിജയം. ഇന്ന് തുടക്കത്തിൽ 34ആം മിനുട്ടിൽ മുഹമ്മദ് നെമിലിന്റെ ഒരു ഗംഭീര ഗോളോടെ ആണ് ഗോവ ലീഡ് എടുത്തത്. 2022-23 ഇന്ത്യൻ ഫുട്ബോൾ സീസണിലെ ആദ്യ ഗോളായി ഇത്.

ഈ ഗോളിൽ ആദ്യ പകുതി ഗോവ 1-0ന്റെ ലീഡിൽ അവസാനിപ്പിച്ചു. എന്നാൽ രണ്ടാം പകുതിയിൽ മൊഹമ്മദൻസ് കളി മാറ്റി. 49ആം മിനുറ്റിൽ പ്രിതം നേടിയ ഗോളിൽ മൊഹമ്മദൻസ് സമനില നേടി. പിന്നെ സബ്ബായി എത്തിയ മലയാളി താരം ഫസലു റഹ്മാൻ 84ആം മിനുട്ടിൽ മൊഹമ്മദൻസിന് ലീഡ് നൽകി. താരം അടുത്ത് ആയിരുന്നു മൊഹമ്മദൻസിൽ എത്തിയത്. അവസാന മിനുട്ടിൽ ക്യാപ്റ്റൻ മാർക്കസ് ജോസഫ് കൂടെ ഗോൾ നേടിയതോടെ മൊഹമ്മദൻസിന്റെ വിജയം പൂർത്തിയായി.

Story Highlight: FC Goa defeated by Mohammedan sporting Durand cup