കോപ്പ അമേരിക്ക ഫൈനൽ തുടങ്ങാൻ 30 മിനിറ്റ് വൈകും. അർജന്റീന, കൊളംബിയ പോരാട്ടം ഇന്ത്യൻ സമയം രാവിലെ 5.30 ആയിരുന്നു തുടങ്ങേണ്ടിയിരുന്നത്. എന്നാൽ സുരക്ഷാ വീഴ്ചയെ തുടർന്ന് കളി തുടങ്ങുന്നതിനു നിലവിൽ 30 മിനിറ്റ് വൈകും. സുരക്ഷാ ഭീഷണിയാണ് കാരണം.
നിലവിൽ ചില ആരാധകർ ടിക്കറ്റ് ഇല്ലാതെ ഗേറ്റ് ചാടി സ്റ്റേഡിയത്തിൽ കടന്നു എന്നാണ് റിപ്പോർട്ട്. ഇതോടെ അധികൃതർ ഗേറ്റ് അടച്ചു. നിലവിൽ ആരാധകരെ നിലനിർത്താനുള്ള ശ്രമത്തിൽ ആണ് പോലീസ്. പരിശീലനത്തിൽ ഏർപ്പെട്ടിരുന്ന കളിക്കാരെയും നിലവിൽ ഗ്രൗണ്ടിൽ നിന്നു മാറ്റി. ഇത് വരെ ടൂർണമെന്റ് നടത്തിപ്പിന് വലിയ വിമർശനം നേരിട്ട അമേരിക്കക്ക് വീണ്ടും നാണക്കേട് ആയി ഈ സംഭവം.
