ഇഷാന്‍ കിഷന്‍ വെല്ലിംഗ്ടണിലും കളിയ്ക്കില്ല
ന്യൂസിലൻഡിനെതിരായ ട്വന്റി-20 പരമ്പരയിലെ മൂന്നാം മത്സരത്തിന് മുൻപ് ഇന്ത്യൻ ടീമിന് തിരിച്ചടി. പരിക്കിനെ തുടർന്ന് വിക്കറ്റ് കീപ്പർ ബാറ്റർ ഇഷാൻ കിഷനെ ഒക്ടോബർ 27-ന് വെല്ലിംഗ്ടണിൽ നടക്കുന്ന മത്സരത്തിൽ നിന്ന് ഒഴിവാക്കി. പരമ്പരയിലെ ആദ്യ മത്സരത്തിനിടെ ഏറ്റ പരിക്കിൽ നിന്ന് പൂർണ്ണമായി മാച്ച് ഫിറ്റ്നസ് വീണ്ടെടുക്കാൻ താരത്തിന് സാധിക്കാത്ത സാഹചര്യത്തിലാണ് ഈ തീരുമാനം.
ബിസിസിഐ മെഡിക്കൽ ടീമിന്റെ ഔദ്യോഗിക വിശദീകരണ പ്രകാരം ഇഷാൻ കിഷന്റെ ആരോഗ്യാവസ്ഥയിൽ പുരോഗതിയുണ്ടെങ്കിലും പൂർണ്ണ കായികക്ഷമത കൈവരിച്ചിട്ടില്ല. ബിസിസിഐ മെഡിക്കൽ സംഘം താരത്തിന്റെ ആരോഗ്യം സൂക്ഷ്മമായി നിരീക്ഷിച്ചു വരികയാണ്. ഇഷാൻ കിഷന്റെ അഭാവത്തിൽ കുമാർ കുഷാഗ്ര മൂന്നാം മത്സരത്തിനുള്ള ഇന്ത്യൻ സ്ക്വാഡിനൊപ്പം തുടരും.