സ്പാനിഷ് ഇതിഹാസ ഗോൾ കീപ്പർ ഇന്നലെ പോർട്ടോയ്ക്കായി ചാമ്പ്യൻസ് ലീഗ് മത്സരത്തിന് ഇറങ്ങിയത് ചാമ്പ്യൻസ് ലീഗിൽ തന്നെ ഒരു പുതിയ ചരിത്രമായി. കസിയസ് ഇന്നലത്തെ മത്സരത്തോടെ ഇരുപത് ചാമ്പ്യൻസ് ലീഗ് സീസണുകളിൽ കളിച്ചു എന്ന റെക്കോർഡ് ആണ് കസിയസ് കുറിച്ചത്. വേറെ ഒരു താരവും ഇതുവരെ ഇരുപത് ചാമ്പ്യൻസ് ലീഗ് സീസണുകളിൽ കളിച്ചിട്ടില്ല.
മാഞ്ചസ്റ്റർ യുണൈറ്റഡ് ഇതിഹാസം റയാൻ ഗിഗ്സിന്റെ റെക്കോർഡാണ് കസിയസ് മറികടന്നത്. ഗിഗ്സ് 19 സീസണുകളിൽ ചാമ്പ്യൻസ് ലീഗ് കളിച്ചിരുന്നു. 17 സീസണുകളിൽ ചാമ്പ്യൻസ് ലീഗ് കളിച്ച യുണൈറ്റഡിന്റെ തന്നെ സ്കോൾസാണ് ഗിഗ്സിന് പിറകിക് ഉള്ളത്. 20 സീസണുകൾ കളിച്ച കസിയസ് മൂന്ന് ചാമ്പ്യൻസ് ലീഗ് കിരീടങ്ങളും നേടിയിട്ടുണ്ട്. 20 സീസണുകളിൽ 16 സീസണുകളും കസിയസ് റയൽ മാഡ്രിഡിനായാണ് കളിച്ചത്.
