പോർട്ടോയുടെ സ്പാനിഷ് ഇതിഹാസ താരം ഐക്കർ കസിയാസിന് ഹാർട്ട് അറ്റാക്ക്. താരത്തെ ആശുപത്രിയിൽ പ്രവേശിപ്പിച്ചതായി വിവിധ പോർച്ചുഗീസ്, സ്പാനിഷ് മാധ്യമങ്ങൾ റിപ്പോർട്ട് ചെയ്തു. താരത്തിന്റെ ആരോഗ്യ നിലയിൽ നിലവിൽ ആശങ്കപെടേണ്ടതില്ല എന്നാണ് പ്രാഥമിക റിപ്പോർട്ടുകൾ.
പോർട്ടോയുടെ ഒന്നാം നമ്പർ ഗോളി ആയ കസിയാസ് അവരുടെ പരിശീലനത്തിന് ഇടയിലാണ് ഹാർട്ട്അറ്റാക്ക് സംഭവിച്ചത്. റയൽ മാഡ്രിഡ് ഇതിഹാസ താരമായ കസിയാസ് 2015 ലാണ് പോർട്ടോയിൽ ചേർന്നത്. 37 വയസ്സുകാരനാണ് ലോകകപ്പ് വിജയി കൂടിയായ കസിയാസ്.
