റിലയൻസ് യൂത്ത് ഫുട്ബോൾ; ബസേലിയോസ് കോട്ടയം സെമി ഫൈനലിൽ

റിലയൻസ് ഫൗണ്ടേഷൻ യൂത്ത് സ്പോർട്സ് 2017 ദേശീയ ഫുട്ബോൾ ടൂർണമെന്റിൽ ബസേലിയോസ് കോളേജ് കോട്ടയം സെമി ഫൈനലിൽ. കോളേജ് ബോയ്സിന്റെ വിഭാഗത്തിലാണ് ബസേലിയോസ് സെമിയിലേക്ക് പ്രവേശിച്ചത്. സാകിർ ഹുസൈൻ കോളേജ് ഡെൽഹിയെ എതിരില്ലാത്ത ഒരു ഗോളിന് ഇന്ന് തോൽപ്പിച്ചതോടെയാണ് ബസേലിയോസിന്റെ സെമി പ്രവേശനം ഉറപ്പായത്.

മത്സരത്തിന്റെ 41ആം മിനുട്ടിൽ സൽമാൻ കെ ആണ് ബസേലിയോസിനു വേണ്ടി ഗോൾ നേടിയത്. ജയത്തോടെ എ ഗ്രൂപ്പ് ചാമ്പ്യന്മാരായാണ് ബസേലിയോസ് സെമിയിലേക്ക് കടന്നത്. മൂന്നു മത്സരങ്ങളിൽ രണ്ട് ജയവും ഒരു സമനിലയുമായി 7 പോയന്റാണ് ബസേലിയോസ് സ്വന്തമാക്കിയത്.

കൂടുതൽ കായിക വാർത്തകൾക്ക് : www.facebook.com/FanportOfficial