പ്രീ സീസണിൽ ടോട്ടനത്തോട് തോൽവി വഴങ്ങി ആഴ്സണൽ
ഹോംകോങിൽ ഒരു ഫുട്ബോൾ മത്സരം കാണാൻ എത്തിയ റെക്കോർഡ് കാണികൾക്ക് മുന്നിൽ ടോട്ടനത്തോട് തോൽവി വഴങ്ങി ആഴ്സണൽ. സ്റ്റേഡിയം നിറഞ്ഞ ആഴ്സണൽ ആരാധകർക്ക് ഫലം നിരാശയാണ് നൽകിയത്. പ്രീ സീസണിൽ ആഴ്സണലിന്റെ ആദ്യ തോൽവി ആണ് ഇത്. എതിരില്ലാത്ത ഒരു ഗോളിന് ആണ് തോമസ് ഫ്രാങ്കിന്റെ ടീം ആഴ്സണലിനെ വീഴ്ത്തിയത്. ആദ്യ പകുതിയിൽ 2 തവണയാണ് ടോട്ടനം ശ്രമങ്ങൾ പോസ്റ്റിൽ തട്ടി മടങ്ങിയത്. ആഴ്സണൽ ആവട്ടെ പലപ്പോഴും ടോട്ടനം പ്രതിരോധത്തെയും പരീക്ഷിച്ചു.
45 മത്തെ മിനിറ്റിൽ ആണ് മത്സരത്തിലെ ഏക ഗോൾ പിറന്നത്. ഗോൾ കീപ്പർ റയ നൽകിയ പാസ് ലൂയിസ് കെല്ലിയിൽ നിന്നു തട്ടിയെടുത്ത പാപ്പ സാർ ഗോൾ പോസ്റ്റിൽ നിന്ന് ഒരുപാട് കയറി നിന്ന റയയെ മറികടന്നു ഗോൾ നേടുക ആയിരുന്നു. 35 വാര അകലെ നിന്നു സാർ വലത് കാലൻ അടി കൊണ്ടാണ് ഗോൾ നേടിയത്. രണ്ടാം പകുതിയിൽ സമനിലക്ക് ആയി ആഴ്സണൽ ശ്രമിച്ചെങ്കിലും ടോട്ടനം മുൻതൂക്കം കൈവിട്ടില്ല. ആഴ്സണലിന് ആയി വിക്ടർ ഗ്യോകെറസ്, ക്രിസ്റ്റ്യൻ മൊസ്ക്വര എന്നിവർ 77 മത്തെ മിനിറ്റിൽ അരങ്ങേറ്റവും കുറിച്ചു.