വാൻ ഡൈക് നയിക്കും; ഫിഫ ലോകകപ്പിനുള്ള നെതർലൻഡ്സ് ടീമിനെ പ്രഖ്യാപിച്ചു
ഈ വർഷം നടക്കുന്ന ഫുട്ബോൾ ലോകകപ്പിനുള്ള 26 അംഗ ഡച്ച് ടീമിനെ കോച്ച് റൊണാൾഡ് കൂമാൻ പ്രഖ്യാപിച്ചു. സൂപ്പർ താരം വിർജിൽ വാൻ ഡൈക് നയിക്കുന്ന ടീമിൽ ഇംഗ്ലീഷ് പ്രീമിയർ ലീഗിൽ കളിക്കുന്ന 15 താരങ്ങളാണ് ഇടംപിടിച്ചിരിക്കുന്നത്. ലിവർപൂൾ താരങ്ങളായ വാൻ ഡൈക്, റയാൻ ഗ്രാവൻബർച്ച്, കോഡി ഗാക്പോ എന്നിവർക്കൊപ്പം ബ്രൈറ്റണിൽ നിന്നുള്ള ഗോൾകീപ്പർ ബാർട്ട് വെർബ്രുഗൻ ഉൾപ്പെടെ മൂന്ന് താരങ്ങളും ടീമിലുണ്ട്.
അതേസമയം, പരിക്കിനെത്തുടർന്ന് സീസണിലെ ഭൂരിഭാഗം മത്സരങ്ങളും നഷ്ടമായ ജെറമി ഫ്രിമ്പോങ്ങിനെ ടീമിൽ ഉൾപ്പെടുത്തിയിട്ടില്ല എന്നത് ശ്രദ്ധേയമാണ്. പരിക്കിന്റെ പിടിയിലായ പ്രതിരോധ താരം മത്തിസ് ഡി ലിറ്റ്, മധ്യനിര താരം സാവി സിമ്മൺസ് എന്നിവർക്കും ടീമിൽ ഇടം ലഭിച്ചില്ല. ഫ്രെങ്കി ഡി ജോങ്, മെംഫിസ് ഡിപ്പേ എന്നിവരെ ടീമിന്റെ പ്രധാന കരുത്തായി നിലനിർത്തിയ കൂമാൻ, യുവത്വത്തേക്കാൾ കൂടുതൽ പരിചയസമ്പന്നരായ താരങ്ങൾക്കാണ് ഇത്തവണ മുൻഗണന നൽകിയിരിക്കുന്നത്.
ജൂൺ 14-ന് ഗ്രൂപ്പ് എഫിൽ ജപ്പാനെതിരെയാണ് നെതർലൻഡ്സിന്റെ ആദ്യ മത്സരം. സ്വീഡൻ, ടുണീഷ്യ എന്നിവരാണ് ഗ്രൂപ്പിലെ മറ്റ് എതിരാളികൾ. ഇതിനുമുമ്പ് മൂന്ന് തവണ ലോകകപ്പ് ഫൈനലിൽ കാലിടറിയ ഡച്ച് പട കന്നി കിരീടം ലക്ഷ്യമിട്ടാണ് ഇത്തവണ പോരാട്ടത്തിനിറങ്ങുന്നത്.
Netherlands’ 26-man World Cup squad in full
Goalkeepers: Bart Verbruggen (Brighton), Robin Roefs (Sunderland), Mark Flekken (Bayer Leverkusen).
Defenders: Jurrien Timber (Arsenal), Micky van de Ven (Tottenham), Virgil van Dijk (Liverpool), Nathan Ake (Manchester City), Jorrel Hato (Chelsea), Denzel Dumfries (Inter ), Jan Paul van Hecke (Brighton).
Midfielders: Ryan Gravenberch (Liverpool), Tijjani Reijnders (Manchester City), Frenkie de Jong (Barcelona), Teun Koopmeiners (Juventus), Marten de Roon (Atalanta), Quinten Timber (Marseille), Guus Til (PSV Eindhoven), Mats Wieffer (Brighton).
Forwards: Brian Brobbey (Sunderland), Memphis Depay (Corinthians), Cody Gakpo (Liverpool), Justin Kluivert (Bournemouth), Noa Lang (Galatasaray), Donyell Malen (Roma), Crysencio Summerville (West Ham), Wout Weghorst (Ajax).