വനിത ഐപിഎലിന്റെ മീഡിയ അവകാശങ്ങള്‍ സ്വന്തമാക്കി Viacom 18. 2023-27 കാലയളവിലേക്കുള്ള മീഡിയ അവകാശങ്ങള്‍ 951 കോടി രൂപയ്ക്കാണ് ഇവര്‍ സ്വന്തമാക്കിയത്. ഒരു മത്സരത്തിന് 7.09 കോടി രൂപയാണ് ഇത് വരിക.
ഇതേ കാലത്തേക്കുള്ള പുരുഷ ഐപിഎലും ഇപ്പോള്‍ നടക്കുന്ന ദക്ഷിണാഫ്രിക്ക ടി20 ലീഗിന്റെയും സംപ്രേക്ഷണാവകാശം Viacom 18 ന് ആണ്. മാര്‍ച്ച് 2023ലാണ് വനിത ഐപിഎലിന്റെ ഉദ്ഘാടന സീസൺ ആരംഭിയ്ക്കുക. അഞ്ച് ടീമുകളാണ് ലീഗിൽ കളിക്കുന്നത്.
ജനുവരി 25ന് വനിത ഐപിഎൽ ഫ്രാഞ്ചൈസികളുടെ ലേലം നടക്കും. താരങ്ങള്‍ക്ക് പങ്കാളിത്തത്തിനായി രജിസ്റ്റര്‍ ചെയ്യുവാനുള്ള അവസാന തീയ്യതി ജനുവരി 26ന് ആണ്. ലേലം ഫെബ്രുവരിയിൽ നടക്കും.
