മികച്ച ഫോമിലുള്ള തമിഴ്നാടിനെതിരെ 287 റൺസ് നേടി കേരളം. വിജയ് ഹസാരെ ട്രോഫിയിൽ ഇന്ന് ടോസ് നഷ്ടമായി ബാറ്റിംഗിനിറങ്ങിയ കേരളം 8 വിക്കറ്റ് നഷ്ടത്തിലാണ് ഈ സ്കോര്‍ നേടിയത്. വത്സൽ ഗോവിന്ദ് പുറത്താകാതെ 95 റൺസുമായി ടോപ് സ്കോറര്‍ ആയപ്പോള്‍ വിഷ്ണു വിനോദ് 45 റൺസും രോഹന്‍ എസ് കുന്നുമ്മൽ 39 റൺസും നേടി.
അവസാന ഓവറുകളിൽ അബ്ദുള്‍ ബാസിത്ത് 41 റൺസുമായി വത്സലിന് മികച്ച പിന്തുണ നൽകിയാണ് കേരളത്തിന്റെ സ്കോര്‍ 287 റൺസിലേക്ക് എത്തിക്കുവാന്‍ സഹായിച്ചത്.
കേരളത്തിനായി ബേസിൽ എന്‍പി 4 പന്തിൽ 15 റൺസ് നേടി അവസാന ഓവറിൽ മികച്ച രീതിയിൽ ബാറ്റ് വീശി. വൈശാഖ് ചന്ദ്രനും വാലറ്റത്തിൽ 12 റൺസിന്റെ നിര്‍ണ്ണായക സംഭാവന നൽകി. തമിഴ്നാടിന് വേണ്ടി സന്ദീപ് വാര്യര്‍, എം മൊഹമ്മദ്, സോനു യാദവ് എന്നിവര്‍ രണ്ട് വീതം വിക്കറ്റ് നേടി.
