ഏഷ്യന്‍ ഗെയിംസ് സ്വര്‍ണ്ണ മെഡല്‍ ജേതാവ് സൗരഭ് ചൗധരിയുടെ മികവില്‍ യൂത്ത് ഒളിമ്പിക്സില്‍ സ്വര്‍ണ്ണം നേടി ഇന്ത്യ. യൂത്ത് ഒളിമ്പിക്സിലെ ഇന്ത്യയുടെ മൂന്നാമത്തെ സ്വര്‍ണ്ണമാണ് ഇന്ത്യ പുരുഷ വിഭാഗം ഷൂട്ടിംഗിലെ 10മീറ്റര്‍ എയര്‍ പിസ്റ്റളില്‍ നിന്ന് സ്വന്തമാക്കിയത്. ഏഷ്യന്‍ ഗെയിംസിലും ഇതേ മത്സരയിനത്തില്‍ സൗരഭ് ചൗധരി സ്വര്‍ണ്ണം നേടിയിരുന്നു.
16 വയസ്സ് മാത്രമുള്ള സൗരഭ് ജൂനിയര്‍ ഷൂട്ടിംഗ് ലോക ചാമ്പ്യന‍ഷിപ്പിലും സ്വര്‍ണ്ണം നേടിയിരുന്നു. ഈ വര്‍ഷത്തെ മൂന്നാമത്തെ സ്വര്‍ണ്ണ മെഡലാണ് താരം സ്വന്തമാക്കുന്നത്.
