വനിത ഏകദിന ലോകകപ്പിൽ ന്യൂസിലാണ്ടിന് ഏറെ നിര്ണ്ണായകമായ മത്സരത്തിൽ 228 റൺസ് മാത്രം. സോഫി ഡിവൈനിന്റെ പ്രകടനം ആണ് ന്യൂസിലാണ്ടിന്റെ സ്കോറിന് മാന്യത പകര്ന്നത്. 47.5 ഓവറിൽ ടീം ഓള്ഔട്ട് ആകുകയായിരുന്നു.
ഇന്ന് നടന്ന മത്സരത്തിൽ ടോസ് നേടി ആദ്യം ബാറ്റ് ചെയ്യുവാന് തീരുമാനിച്ച ന്യൂസിലാണ്ടിനെ ക്യാപ്റ്റൻ സോഫി ഡിവൈനും അമേലിയ കെറും ചേര്ന്നാണ് ഒന്നാം വിക്കറ്റ് വേഗത്തിൽ നഷ്ടമായ ശേഷം മുന്നോട്ട് നയിച്ചത്.
81 റൺസ് ഒന്നാംം വിക്കറ്റ് കൂട്ടുകെട്ടിന് ശേഷം അമേലിയ(42) പുറത്തായെങ്കിലും മാഡി ഗ്രീന്(30), ബ്രൂക്ക് ഹാലിഡേ(24) എന്നിവര്ക്കൊപ്പം ബാറ്റ് വീശി സോഫി ന്യൂസിലാണ്ടിനെ മുന്നോട്ട് നയിച്ചു.
93 റൺസാണ് സോഫി ഡിവൈന് നേടിയത്. ദക്ഷിണാഫ്രിക്കയ്ക്കായി ഷബ്നിം ഇസ്മൈൽ,അയാബോംഗ ഖാക എന്നിവര് മൂന്നും മരിസാന്നേ കാപ്പ് രണ്ട് വിക്കറ്റും നേടി.
