മുംബൈ സിറ്റിക്ക് കനത്ത തിരിച്ചടി. മുംബൈ സിറ്റിയുടെ യുവ ഡിഫൻഡർ ദാവീന്ദർ സിംഗിന് ഈ സീസണിൽ ഇനി കളിക്കാനാവില്ല. കാലിന് ഏറ്റ പരിക്കാണ് ദാവീന്ദറിന് കണ്ണീർ നൽകിയിരിക്കുന്നത്. എ സി എൽ ഇഞ്ച്വറി ആണ് എന്നും ശസ്ത്രക്രിയ വേണ്ടി വരുമെന്നും മുംബൈ സിറ്റി ഔദ്യോഗിക കുറിപ്പിൽ വ്യക്തമാക്കി. താരത്തിൽ 10 മാസമെങ്കിലും വിശ്രമം വേണ്ടി വരും.
കഴിഞ്ഞ സീസണിലായിരുന്നു ദാവീന്ദർ മുംബൈ സിറ്റിയിൽ എത്തിയത്. കഴിഞ്ഞ സീസണിൽ എട്ടോളം മത്സരങ്ങളിൽ മുംബൈ ജേഴ്സി അണിഞ്ഞിട്ടുമുണ്ട്. ഈ സീസൺ തുടക്കത്തിൽ താരം രണ്ട് വർഷത്തേക്ക് തന്റെ മുബൈ സിറ്റിയുമായുള്ള കരാർ പുതുക്കുകയും ചെയ്തിരുന്നു. ഈ മാസം അവസാനമാകും ദാവീന്ദറിന്റെ ശസ്ത്രക്രിയ നടക്കുക.
ദാവീന്ദറിന് പകരം മുൻ ബെംഗളൂരു എഫ് സി താരനായ ജോയ്നറിനെ മുംബൈ സിറ്റി ടീമിൽ എത്തിച്ചു. 27കാരനായ ജോയ്നർ മുമ്പ് ഡെമ്പോ, സ്പോർടിംഗ് ഗോവ തുടങ്ങിയ ടീമുകൾക്കായി കളിച്ചിട്ടുണ്ട്.
