ബ്രസീലിൽ വെച്ച് നടക്കുന്ന അണ്ടർ 17 ലോകകപ്പ് ഫൈനലിൽ മെക്സിക്കോ തങ്ങളുടെ സ്ഥാനം ഉറപ്പിച്ചു. ഇന്ന് നടന്ന സെമി ഫൈനലിൽ നെതർലന്റ്സിനെ വീഴ്ത്തി ആണ് മെക്സിക്കോ ഫൈനലിലേക്ക് കടന്നത്. പെനാൾട്ടി ഷൂട്ടൗട്ടിൽ ആയിരുന്നു മെക്സിക്കോയുടെ വിജയം. 1-1 എന്ന നിലയിലായിരുന്നു മത്സരം നിശ്ചിത സമയത്ത് അവസാനിച്ചത്.
കളിയുടെ 74ആം മിനുട്ടിൽ റീഗർ നെതർലന്റ്സിനു വേണ്ടിയും 79ആം മിനുട്ടിൽ ആല്വാരെസ് മെക്സിക്കോയ്ക്ക് വേണ്ടിയും ഗോളടിച്ചു. 5-3നാണ് ഷൂട്ടൗട്ട് മെക്സിക്കോ ജയിച്ചത്. മെക്സിക്കോയുടെ നാലാം അണ്ടർ 17 ലോകകപ്പ് ഫൈനൽ ആകും ഇത്. ആതിഥേയരായ ബ്രസീൽ ആണ് ഫൈനലിൽ മെക്സിക്കോയുടെ എതിരാളികൾ.
