ഇന്ത്യയ്ക്കെതിരെയുള്ള ആദ്യ ഏകദിനത്തിൽ 275 റൺസ് നേടി ന്യൂസിലാണ്ട്. 106 റൺസ് നേടിയ സൂസി ബെയ്റ്റ്സിന്റെ മികവിലാണ് ന്യൂസിലാണ്ട് 48.1 ഓവറിൽ ഓള്‍ഔട്ട് ആയെങ്കിലും ഈ സ്കോര്‍ നേടിയത്.
ആമി സാത്തര്‍ത്ത്വൈറ്റ് 63 റൺസും അമേലിയ കെര്‍ 33 റൺസും നേടി. ഒരു ഘട്ടത്തിൽ 204/2 എന്ന നിലയിലായിരുന്നു ന്യൂസിലാണ്ട്. പിന്നീട് 71 റൺസ് നേടുന്നതിനിടെ എട്ട് വിക്കറ്റുകള്‍ ടീമിന് നഷ്ടമായി.
ഇന്ത്യയ്ക്കായി ജൂലന്‍ ഗോസ്വാമി, പൂജ വസ്ട്രാക്കര്‍, രാജേശ്വരി ഗായക്വാഡ്, ദീപ്തി ശര്‍മ്മ എന്നിവര്‍ രണ്ട് വീതം വിക്കറ്റ് നേടി.
