കോമൺവെൽത്ത് ഫെൻസിംഗ് ചാമ്പ്യൻഷിപ്പിൽ ഇന്ത്യയ്ക്ക് വൻ മുന്നേറ്റം; ടീം ഇനങ്ങളിൽ അഞ്ച് സ്വർണം നേടി ചരിത്ര വിജയം!

കോമൺവെൽത്ത് ഫെൻസിംഗ് ചാമ്പ്യൻഷിപ്പിലെ ടീം ഇനങ്ങളിൽ തകർപ്പൻ പ്രകടനവുമായി ഇന്ത്യൻ താരങ്ങൾ ഒന്നാമതെത്തി. ആകെ അഞ്ച് സ്വർണ്ണ മെഡലുകൾ വാരിരൂട്ടിയാണ് ഇന്ത്യ ടൂർണമെന്റിൽ തങ്ങളുടെ ആധിപത്യം ഉറപ്പിച്ചത്.

പുരുഷ വിഭാഗത്തിലെ ഈപ്പി, സേബർ ഇനങ്ങളിലും വനിതാ വിഭാഗത്തിലെ ഈപ്പി, ഫോയിൽ, സേബർ ഇനങ്ങളിലുമാണ് ഇന്ത്യ സ്വർണ്ണ മെഡൽ നേടിയത്. കൂടാതെ പുരുഷന്മാരുടെ ഫോയിൽ ടീം ഇനത്തിൽ ഇന്ത്യ വെള്ളി മെഡലും സ്വന്തമാക്കി.

ഇന്ത്യൻ ബി ടീമും മികച്ച മുന്നേറ്റമാണ് ടൂർണമെന്റിൽ കാഴ്ചവെച്ചത്. പുരുഷന്മാരുടെ ഈപ്പി, സേബർ ഇനങ്ങളിലും വനിതകളുടെ ഫോയിൽ ഇനത്തിലും വെള്ളി മെഡൽ നേടിയ ഇന്ത്യ ബി ടീം, പുരുഷന്മാരുടെ ഫോയിൽ ഇനത്തിൽ വെങ്കല മെഡലും സ്വന്തമാക്കി. ഇന്ത്യയുടെ എ, ബി ടീമുകളുടെ ഈ അപാര പ്രകടനം അന്താരാഷ്ട്ര ഫെൻസിംഗ് വേദികളിൽ രാജ്യത്തിന്റെ കരുത്ത് വിളിച്ചോതുന്നതായി.