ഹോക്കി ലോകകപ്പിൽ ഇന്ത്യയ്ക്ക് രണ്ടാം വിജയം. 4-2 എന്ന സ്കോറിന് ആണ് വെയിൽസിനെ ഇന്ത്യ പരാജയപ്പെടുത്തിയത്. ഒരു ഘട്ടത്തിൽ 2-0ന് മുന്നിട്ട് നിൽക്കുകയായിരുന്ന ഇന്ത്യയയ്ക്കെതിരെ രണ്ട് ഗോളുകള്‍ മടക്കി വെയിൽസ് ഒപ്പമെത്തിയപ്പോള്‍ വീണ്ടും ആകാശ്ദീപ് സിംഗ് ഇന്ത്യയെ മുന്നിലെത്തിക്കുകയായിരുന്നു.
മത്സരം അവസാനിക്കുവാന്‍ ഒരു മിനുട്ട് ബാക്കിയുള്ളപ്പോള്‍ ഹര്‍മ്മന്‍പ്രീത് സിംഗ് ഇന്ത്യയുടെ ലീഡ് രണ്ടാക്കി ഉയര്‍ത്തി. ആകാശ്ദീപ് സിംഗ് രണ്ടും, ഷംഷേര്‍ സിംഗ് രണ്ടും ഗോളുകളാണ് ഇന്ത്യയ്ക്കായി നേടിയത്. വെയിൽസിനായാി ഗാരത് ഫര്‍ലോംഗും ജേക്കബ് ഡ്രേപ്പറും ഓരോ ഗോള്‍ നേടി.
മറ്റൊരു മത്സരത്തിൽ ഇംഗ്ലണ്ട് സ്പെയിനിനെ ഏകപക്ഷീയമായ 4 ഗോളുകള്‍ക്ക് പരാജയപ്പെടുത്തി. ഇതോടെ പൂള്‍ ഡിയിലെ ഒന്നാം സ്ഥാനം ഇംഗ്ലണ്ട് സ്വന്തമാക്കി. ഇന്ത്യയാകട്ടെ ഗ്രൂപ്പ് സിയിലെ മൂന്നാം സ്ഥാനക്കാരായ ന്യൂസിലാണ്ടുമായി ക്രോസ് ഓവര്‍ മത്സരം വിജയിച്ചാൽ മാത്രമേ ക്വാര്‍ട്ടറിലേക്ക് യോഗ്യത നേടുകയുള്ളു.
